Po shndërrohet në një cështje kombëtare vendimi, tashmë zyrtar, i Federatës Spanjolle të Futbollit për ta diskutuar Superkupën në Arabinë Saudite. Sipas asaj që bën të ditur emitenti Cadena Ser, TVE, tv i shtetit iberik, ka vendosur të mos marrë pjesë në ankandin për të blerë të drejtën e transmetimit të eventit - mes të tjerash për herë të parë me formulën e re që parashikon pjesëmarrjen e katër skuadrave e që do të diskutohet nga 8 në 12 janar me Valencia, Real Madrid, Barcellona e Atletico Madrid - për "motive humanitare" lidhur me zgjedhjen e një vendi pritës në të cilin të drejtat e njeriut dhunohen dhe liria e të shprehurit nuk respektohet.
Shumë ndryshe, natyrisht, pozicioni i presidentit federal Luis Rubiales, përkundrazi shumë i lumtur për mbylljen e një akordi që parashikon arkëtimin e 120 milionë euro në tre vjet: “Superkupa - ka shpjeguar ai - ishte e destinuar të vdiste, në muajin gusht nuk mund të luhej. Paratë nuk janë për të ndërtuar një 'chalet', shkojnë për futbollin e femrave, shkojnë për ata që kanë nevojë. Sigurisht, paratë janë të rëndësishëm, kush e mohon? Paratë janë të rëndësishëm shumë, por ato shkojnë për klubet e Segunda e Tercera Division”.
