Një Didier Deschamps i qetë, me humor dhe i bindur se do të kalojë një mbrëmje spektakolare në tiranë, kur nesër të ndeshet me Shqipërinë. Kundërshtarin e njeh mirë, është përballur 4 herë që kur është ulur në pankinën e Francës, me një bilanc prej dy fitore një humbje e një barazimi e tani duhet të vijë të marrë edhe suksesin e parë në Tiranë: “Do të thosha që nesër do të jetë një ndeshje e fortë, pasi do të luajnë në fushën e tyre, në inaugurimin e stadiumit. Shqiptarët do të manifestojnë dashurinë e tyre për futbollin”.
Tekniku francez i kampionëve të botës megjithatë batutën më të bukur e ka bërë i pyetur se cilin nga futbollistët e kombëtares shqiptare do të kishte grumbulluar me Francën: “Do përpiqem të jap një përgjigje: mund të përzgjedhë vetëm lojtarë francezë, jo shqiptarë”.
