Humbja me rivalët e përjetshëm të Argjentinës ka prodhuar në Brazil dozën e zakonshme të polemikave. Listës së kritikëve të teknikut Tite, i është shtuar edhe Rivaldo. "I dhanë numrin 10 Paquetà. Nuk duhet të kapemi me të - shpjegoi ish-futbollisti i Barcelonës e Milan - por me stafin teknik, me atë që merr vendimet, sepse e dinë peshën e asaj fanelle e tani rrezikojnë të djegin një djalosh 22 vjecar".
Milanisti nuk po kalon një moment të mirë me klubin dhe e konfirmoi edhe në Kombëtare, ku është zëvendësuar në pushim pas një përfaqësimi për tu harruar. Fanella numër 10 e Selecaos është e Neymar por, duke parë mungesën e kampionit të Psg, Tite vendosi tia besonte ish-lojtarit të Flamengo, duke shkaktuar shqetësimin e Rivaldo. "Pashë ndeshjen mes Brazilit e Argjentinës dhe ishte shumë e trishtë të shihje cfarë ka ndodhur me fanellën numër 10 - ka shkruar ai - I kanë dhënë numrin 10 për Paquetá... 10 e Brazilit është një fanellë që respektohet në gjithë botën, nuk është menduar që të rrijë në pankinë e aq më pak të dalë në pushim të ndeshjes, sepse është fanella që e njeh gjithë bota. Një fanellë e mbajtur dhe nderuar nga Pelé, Rivelino, Zico, Rivaldo, Kaka, Ronaldinho, Neymar... Nuk duhet kapur me Paquetà, por me stafin teknik, me atë që merr vendime, sepse e dinë peshën e asaj fanelle e tani rrezikojnë të djegin një djalosh 22 vjecar që mund të ketë një të ardhme të madhe me kombëtaren braziliane. Trajneri po bën mirë që po mbron Rodrygo e për këtë ndeshje mund të kishte mbrojtur edhe Paquetà, duke evituar të mbante numrin 10, të gjithë e dimë se Brazil-Argjentinë nuk mund të jetë kurrë një ndeshje miqësore".
