Kur ish-lojtarët flasin për Josè Mourinho, nuk ka rrugë të mesme. Ka nga ata që tregojnë se janë injoruar plotësisht nga portugezi, por mbi të gjitha nga ata që e admirojnë, deri në pikën sa të shprehen, “për të do shkoja edhe në luftë”. Special One është i tillë, metodat e tij, sidomos mënyra për të mbështetur lojtarët, mund të jenë të cuditshme, por historia tregon se janë efikase. E sipas asaj që tregon Record, Mou ka nisur ofensivën è tij në Londër.
E përditshmja portugeze bën bilancin e ditës së parë të punës së teknikut tek Tottenham. E nëse Spurs TV shfaqi imazhet e tij duke bërë shaka e duke qeshur me Kane, duke përqafuar Dele Alli e duke folur ngrohtësisht me të gjithë, në Portugali shkojnë më thellë. Brenda dhomave të zhveshjes, ku tekniku ka nisur pushtimin e Spurs: “Do të jem babai juaj, miku juaj, edhe e fejuara juaj, cdo gjë që doni”. Me pak fjalë, jeta e futbollistëve duhet të vërtitet rreth tij.
Record shpjegon se kanë nisur bisedimet private me yjet e skuadrës, edhe me lojtarë në skadencë si Eriksen. I pari që i është dorëzuar pushtetit të portugezit është Kane, gjithnjë i përfolur për tu larguar nga Spurs. Por sipas ish-mesfushorit Jamie O’Hara, që ka folur për TalkSport, ardhja e Mou është vendimtare për ambicjet e kapitenit të Anglisë: “Tani që kemi një trajner fitues, përsè duhet të largohet? Me Mou në pankinë, Kane në sulm e ndonjë blerje, Tottenham mund të fitojë Champions League”. Është e vërtetë se Special One qartësoi se në këtë sezon nuk mund të fitohet Premier, por për Kupën me veshë të mëdhenj nuk tha gjë…
