Nuk janë ditë të qeta, për teknikun e Chelsea Frank Lampard. Këtë herë për ta nervozuar kanë mjaftuar veprimet e Ross Barkley, protagonist i një shoë në diskotekë në Dubai që pak i përshtaten imazhit të një futbollisti profesionist në një klub të profilit të lartë. Historia është zbuluar mëngjesin e sotëm nga Daily Mail.
Mesfushori 25 vjecar, duke mos patur mundësinë ti përgjigjej grumbullimit me Anglinë për shkak të një problemi në kavilje, ka humbur ndeshjen kundër Malit të Zi e Kosovës e ka marrë leje nga klubi për një pushim në Dubai. Deri këtu gjithcka normale, vetëm se Barkley ishte aty protagonist i një mbrëmje të cmendur, duke përfunduar (si shihet në foto, gjithnjë nga Daily Mail) i zhveshur deri në mes, duke përqafuar një mik.
Nuk është hera e parë që Barkley kalon kufijtë. Në shtator bëri sherr me një taksist në Liverpool, pasi rrëzoi në makinë patatinat që nuk donte ti pastronte, duke përfunduar i shoqëruar nga policia në një bankomat për të tërhequr paratë e të dëmshpërblente taksistin. Në atë kohë, Lampard tha: “Në një nivel profesionist, gjëra të tilla nuk duhet të ndodhin. Më pëlqen Ross, nuk kam patur probleme me të që kur kam ardhur këtu. Punon shumë e do të bëjë mirë për Chelsea. E pranoi që gaboi, besoj tek ai dhe shohim përpara”. Tani pritet komenti i teknikut, lista e gjobave të të cilit për shkak të sjelljeve të futbollistëve është shpërndarë në rrjetet sociale dhe është marrë nga tabloidët anglezë pvetëm pak ditë më parë...
