Alarm dëmtimesh tek Barcelona: pas Dembele tani edhe Gerard Piqué rrezikon të mos jetë i gatshëm për sfidën e Champions League kundër Inter. Katalanasit të dielën kanë mposhtur Atletico Madrid me rezultatin 1-0 (goli deciziv i Messi) në ndeshjen e fundit të javës në La Liga. Mbrojtësi blaugrana, pasi u përplas me Vitolo, edhe për shkak të një terreni loje të rrëshqitshëm nga shiu, është detyruar të dalë nga fusha në minutën e 83' për shkak të një goditje të fortë në gjurin e majtë. Për katalanasin duket i pashmangshëm ndalimi, në kohën kur është shumë e vështirë që qendërmbrojtësi të rikuperojë për sfidën e Champions javën e ardhshme në San Siro.
Pas Ousmane Dembélé, i detyruar të qendrojë jashtë për 10 javë si pasojë e dëmtimit muskular të pësuar në sfidën e luajtur në shtëpi kundër Borussia Dortmund për Champions, Barcellona tani humbet edhe Piqué, prezenca e të cilit kundër Inter është në dyshim të fortë. Katalanasit, që në 10 dhjetor do të luajnë në San Siro ndeshjen e fundit të grupit, janë të kualifikuar për 1/8 si vend i parë në Grupin F, ndërsa zikaltrit duhet të fitojnë për të mos "zbritur" në Europa League.
