Lionel Messi fiton Topin e Artë duke u shkëputur nga rivali i tij Cristiano Ronaldo dhe nuk i ka frenuar emocionet në momentin e marrjes së trofeut: "Mirëmbrëma të gjithëve, dua të falenderoj të gjithë gazetarët që më votuan, shokët e mi, si tek Barcellona ashtu dhe tek Argjentina, që më bënë të kalojë një vit madhështor, pavarësisht nëse humba apo fitova ndeshje e kompeticione: jeni pjesë të këtij cmimi. Mbrëmë ishte përvjetori i 10 i Topit të Artë të parë që kam fituar, isha 22 vjec, ishte e pamendueshme për mua të arrija sot e të kisha 6 trofe, në një moment kaq ndryshe, bashkë me gruan dhe fëmijët e mi".
Kampioni i Barcelonës vazhdoi: "Në gjithë këtë kohë nuk kam reshtur kurrë së ëndërruari, duke kërkuar të përmirësohem, duke e dashur futbollin si kur isha i vogël. Jam i ndërgjegjshëm për moshën që kam e i shijoj edhe më shumë këto momente. Gjithcka rrjedh me shpejtësi e duhet shijuar më e mirë. Faleminderit të gjithëve".
