Duhet ndeshja perfekte. Duhet ta garantojnë si skuadra ashtu edhe individët. Duke filluar nga Thomas Strakosha. Portieri i Lazio, që ekzaltohet gjithnjë në rastet e mëdha, të shtunën me Juventus është i thirrur në cështje të përsëritet. Kështu, sepse kundër bardhezinjve ka bërë gjithnjë mirë, duke rezultuar deciziv në shumë raste. Në këtë kampionat e ka mbajtur portën të paprekur në 4 ndeshje brenda në Olimpico nga 7. Tani duhet të bëjë të pamundurën kundër Ronaldo, Dybala e Higuain.
Janë dy, specifikisht, ndeshjet e Strakosha kundër Juventus që janë bërë të paharrueshme për të e tifozët. E para është ajo e 13 gushtit 2017: atë ditë, në Superkupën Italiane, shqiptari ishte fenomenal me një pritje instiktive kundër Cuadrado kur rezultati ishte ende 0-0. Të gjendeshe në disavantazh, pas pak minutash, do ta kishte komplikuar shumë ndeshjen e Lazio që më pas u imponua 3-2 duke rrëmbyer trofeun. Gjatë ndeshjes, Strakosha ishte reaktiv edhe ndaj Higuain e Pjanic, duke u dorëzuar vetëm ndaj Dybala (që shënoi me goditje dënimi e penallti).
Në 14 tetorin e mëpashëm Strakosha ishte protagonist i një ndeshje që u fut në historinë laziale: bardhekaltrit arritën të fitonin në stadiumin e Juventus pas 16 vjetësh. Përfundoi 2-1, me portierin shqiptar që, në sekondën e fundit, i priti penalltinë Dybala. Një ndeshje fantastike. Si ajo që tifozët shpresojnë të shohin të shtunën, duke ëndërruar të jenë skuadra e parë e aftë të mundin Juventus të Maurizio Sarri.
