Cruzeiro ka pësuar një rrëzim historik nga elita e futbollit brazilian. Klubi i famshëm për herë të parë në 98 vjet histori nuk do të jetë mes më të mirëve në kampionatin brazilian. Vendimtare humbja 2-0 kundër Palmeiras në një ndeshje të karakterizuar nga trazira në shkallët e stadiumit.
Cruzeiro, skuadra e Belo Horizonte, e ka fituar të fundit nga katër titujt kampionë të Brasileirao në 2014, por është rrëzuar tashmë në Divizionin e dytë, pasi e ka mbyllur sezonin me pesë humbje radhazi.
Ndeshja është pezulluar pesë minuta nga fundi, pas golit të dytë të shënuar nga Palmeiras, kur tifozët e Cruzeiro të tërbuar kanë shkulur ndenjëset e stadiumit dhe i kanë hedhur drejt lojtarëve në mesin e fushës. Policia, në gatishmëri të plotë për shkak të ndjeshmërisë së lartë të kësaj ndeshje, është përgjigjur me gaz lotsjellës në tentativë për të vendosur rregull.
