Inter frenon, Fiorentina lëviz klasifikimin. Skuadra e Conte ka humbur vendin e parë vetëm në minutën e dytë shtesë në Artemio Franchi. Një kundërsulm brilant i Vlahovic i heq nga duart fitoren zikaltërve, në ndeshjen e prapambetur që mbyll javën e 16 të Serie A. Të besuarit e Conte barazojnë 1-1 me Fiorentinën dhe bashkohen me pikë të barabarta me Juventus, por pas tyre me diferencë golash.
E të mendosh se në Firence Borja Valero kishte nevojë për vetëm tetë minuta, për të ndëshkuar ish-skuadrën e tij. Mesfushori nuk festoi për respekt të tifozëve në Franchi, por ka qenë më tepër si një parandjenjë për atë që do të ndodhte në fund. Inter e kuptoi që nuk do të ishte një ndeshje e thjeshtë. Handanovic e Dragoëski janë vendimtarë në ndëhyrjet e tyre ndaj Badelj e Lukaku, ndërsa Lautaros i është anulluar një gol, për pozicion jashtë loje të Lukaku. Në fakt u desh ndërhyrja e VAR për të përcaktuar pozicionin e belgut dhe zhvleftësuar golin e argjentinasit.
Në pjesën e dytë zikaltrit kontrolluan garën, duke mbajtur larg rreziqet, por pikërisht në gjashtë minutat shtesë pësuan një kundërsulm të jashtzakonshëm të Vlahovic, që bëri gati 60 metra sprint i pakontrastuar nga asnjë mbrojtës përpara se të siluronte Handanovic. 39 pikë për Conte, po aq sa Juventus, ndërsa Fiorentina shkon e 13 me 17 pikë, duke i dhënë një frymëmarrje teknikut Montella.
