Yes, we can: Juventus me tredhëmbshin tregoi se mundet dhe Sarri me 3-1 kundër Udineses, mori përgjigjen e duhur nga Dybala, Higuain e Ronaldo. Një ndeshje pa diskutime, që mund të kishte një rezultat edhe më të thellë. Dygolësh i Cristiano Ronaldo, gol i Bonucci, pastaj Pussetto në shtesë ngushtoi diferencën. Bardhezinjtë harrojnë humbjen me Lazion përmes golave dhe tre sulmuesve: Dybala-Higuain-Ronaldo ishte realizimi i një ëndërrë të tifozëve dhe një kërkese të bërë nga vetë CR7. Portugezi pasi mori ca kritika e dëgjoi se ishte në rrugën e perëndimit, u kthye të shënojë me saktësi drithëruese. Në më pak se nëntë minuta trenformoi golin që zhbllokoi ndeshjen, dyfishoi me një asist të Higuain dhe i shkoi pranë tregolëshit personal. Dybala nderoi numrin 10 që mban me disa veprime të denja e sikur VAR të mos e kishte dalluar kontrollin e topit me dorë, do të ishte ende duke u folur për penelatën e argjentiansit, që po kalon një kondicion atletik të jashtëzakonshëm, që e lejon të kryejë veprime teknike të papara deri tani nga ai. Higuain u ekzaltua nga tredhëmbëshi dhe nuk do ta humbasë si mundësi: alternohet me Dybala e bën njeriun asist, por pa humbur kualitetin e një qendërsulmuesi.
Milani ka zhgënjyer në shtëpi për 120 vjetorin, teksa nuk ka shkuar më shumë se barazimi 0-0 ndaj Sasuolos. Ekipi i Piolit kishte raste pa fund, por u treguan të pasaktë në finalizim, duke iu dhënë kështu një shije të keqe tifozëve në këtë 120 vjetor të klubit. Me pikën e marrë ditën e sotme, Milani renditet në vendin e 10- me 21 pikë, ndërsa Sasuolo në vendin e 13 me 16 pikë.
Atalanta ka humbur me rezultatin 2-1 ndaj Bolonjës në transfertë. Për vendasit shënuan Palacio dhe Poli, ndërsa për ziklatërit Malinovski. Tashmë ekipi i Gasperini e sheh veten në vendin e 6 me 28 pikë, ndërsa Bolonja në vendin e 11 me 19 pikë.
ITALY - SERIE A
Verona 3 - 3 Torino
Milan 0 - 0 Sassuolo
Bologna 2 - 1 Atalanta
Juventus 3 - 1 Udinese
