Një pasuri e re e paluajtshme e Cristiano Ronaldos, i shtohet 'xhevahireve' luksoze të portugezit, që në këtë rast është një koleksionist i pandreqshëm. Blerja në fakt i takon një viti më parë, por lajmi është bërë i ditur vetëm në orët e fundit: Cristiano Ronaldo ka blerë një apartament prej 7,2 milionë euro, rekord për një shitje imobiliare në qytetin e Lisbonës. E vendosur në dy katet e fundit të një ndërtese luksi në Rua Castillho (pranë parkut Eduardi i VII), apartamenti është 288 metra katror e ështëshumë pranë lagjes ku është rritur sulmuesi i Juventus.
Gjithcka është në dizajn elegant, mes suitave, salloneve, sallës së ngrënies, spa me sauna e xhakuzi, palestrës, sallës së kinemasë, që janë në fakt vetëm disa nga bukuritë e apartamentit, që do të jetë në dispozicion të CR7 vetëm nga shkurti 2021: Cristiano Ronaldo ka kërkuar disa modifikime që do të kompletohen brenda një viti.
