Ashtu si cdo verë, nuk mungojnë zërat që përflasin një largim të mundshëm të Milinkovic-Savic nga Lazio, që në shumë raste ka refuzuar ofertat që kanë ardhur nga Anglia e madje edhe Spanja, ku Real Madrid është prej kohësh i interesuar për mesfushorin. Sipas asaj që bën të ditur Don Balon, këtë herë blancos kanë ndërmend të veprojnë seriozisht e kanë gati një ofertë prej 105 milionë euro për ti shkëputur serbin klubit të Lotito.
Milinkovic, që është tek Lazio nga 2015, shumë shpesh ka qenë protagonist i përfaqësimeve me luhatje, por në këtë sezon po tregon se është bërë një lojtar i rëndësishëm në të dy fazat e deciziv për ekuilibrat në mes të fushës. Pasi ka mbyllur 2018/2019 me golin në finalen e Kupës së Italisë, në këtë vit ka shënuar katër herë, përvec 6 asist të cmuar.
E nuk është rastësi që Lazio, edhe falë kontributit të tij, është në vendin e tretë në klasifikim vetëm tre pikë nga Inter e gjashtë nga Juventus, që ndërkohë ka një ndeshje më shumë. Milinkovic është i blinduar nga një kontratë e rinovuar kohët e fundit deri në 2024 e Lotito nuk ka asnjë nevojë ta shesë lojtarin, që është kthyer sërisht në qendër të radarit të Real Madrid, në prag të verës së ardhshme: Blancos janë të gatshëm të ngjiten deri në 105 milionë euro, por për bardhekaltrit mund të mos mjaftojë.
