Kryetarja e LSI ka gjetur një mënyrë të veçantë për të uruar festat e fundvitit. Bashkë me urimet ajo i ka nxitur shqiptarët të rrisin dozën e solidaritetit me njëri tjetrin duke konsumuar në tavolinën e ndërrimit të viteve produktet shqiptare. Në një postim video në Facebook, Kryemadhi shkruan se është momenti të ndihmojmë njëri-tjetrin, ndërsa akuzon qeverinë se kërkon ti vendosë produktet shqiptare përballë konkurrencës sa të pandershme aq edhe antikombëtare. " Tashmë përmes një politike prej shërbëtorësh të interesave të oligarkëve qeveria kërkon që ti vendosë produktet shqiptare edhe përballë konkurrencës sa të pandershme aq edhe antikombëtare. Konsumoni shqip, konsumoni frutat, zarzavatet, bulmetrat, verën, birrën, miellin shqiptar, në ndihmë të gjithë fermerëve dhe prodhuesve të shijes së mrekullueshme shqiptare që të mbështesim fort njëri-tjetrin edhe në këto ditë festash,ashtu siç gjendemi pranë në ditë të vështira (video poshte)".
Kjo nuk është hera e parë që Monika Kryemadhi bën thirrje për solidaritet mes konsumatorëve. Në verë ajo bëri zhurmë me një apel nga konventa e LSI (lexo linqet poshte), për të bojkotuar produktet e oligarkëve dhe për të bërë pazar në dyqanet e lagjeve dhe për të përdorur taksinë e komshinjve.
©Lapsi.al
[embed]https://www.facebook.com/KryemadhiMonika/videos/598472094320448/[/embed]
Lexo me tej:
Apeli i fortë i Kryemadhit: Bojkotoni produktet e oligarkëve, bleni në dyqanet e lagjeve
Pas thirrjes Bojkotoni prodhimet e oligarkëve Monika Kryemadhi bën pazar në "Ha shqip"
