Derbi i Glasgow merr ngjyrat e Rangers, që mposhtën rivalët e përjetshëm. E ajo mes dy skuadrave skoceze nuk është thjesht një rivalitet sportiv, nuk është as një ndërqytetase klasike. Përballen dy fytyrat e qytetit, ajo katolike e ajo protestante, ajo filoirlandeze e ajo 100% britanike. Ky rivalitet përjetohet edhe nga lojtarët në fushë, më shumë se c'duhet ndoshta: Alfredo Morelos imiton prerjen e fytit në drejtim të tifozëve të Celtic.
Nuk është fare gjest i bukur por nga njëri i quajtur El Bufalo nuk mund të presësh gjëra të buta. 23 vjecari kolumbian ka një karakter eksploziv: mori kartonin e dytë të kuq në dy javë. E gjashta në total. E kjo mund ti shkaktojë ndonjë javë skualifikimi më shumë. Djaloshi kërkonte golin e parë në derbi pasi kishte luajtur 13, kështu që tentoi të mashtronte arbitrin. U hodh në zonë, në kërkim të penalltisë e mori të verdhë për simulim. Sa keq që një e kishte.
E ndërsa dilte nga fusha, tifozët e Celtic, kanë nisur koret kundër tij dhe kolumbiani kaloi gishtin përgjatë fytit, duke bërë shenjën e therjes së “armiqve”. Jo ndonjë gjetje klasi, ashtu si historia që bën të njohur Sportbible, sipas të cilëve, janë dashur 10 persona të mbanin kolumbianin në tunel.
