Tratativat mes James Pallotta e Dan Friedkin për kalimin e pronësisë së Romës vazhdojnë, ashtu si dëshmon komunikata e një dite më parë e klubit verdhekuq. Kjo situatë gjeneron optimizëm tek tifozët, që e shohin me entuziazëm ndryshimin e pronësisë, sidomos pas deklaratave të sipërmarrësit amerikan. "Tifozët e Romës janë të mrekullueshëm, i dedikojnë zemrën e tyre skuadrës, shpresojmë ti kthejmë nderin sa më shpejt të jetë e mundur" shkruhet në faqet e Il Messaggero.
Friedkin është edhe më i qartë në fjalët e thëna për Corriere della Sera: "Kam qenë gjithnjë i dashuruar me Romën, një qytet me bukuri të pafund, me një histori të mrekullueshme. Kam zgjedhur të investoj këtu për të lënë një shenjë edhe në historinë sportive të qytetit".
