Ibra-day, ajo e vërteta, më në fund mbërriti, për kënaqësinë e tifozëve të Milan. Pas zbarkimit, vizitave mjekësore e firmës në kontratë, suedezi ka prezentuar para tifozëve objektivat e tij: "Nuk jam këtu sa për tu dukur, por për të përmirësuar gjërat në fushë e për të ngritur stekën në stërvitje e për tu rritur si skuadër - komentoi Ibra -. Ndihem gati për të luajtur menjëherë, por natyrisht loja ime në moshën 38 vjecare nuk mund të jetë ajo e 10 viteve më parë. Jam një lojtar inteligjent, e di cfarë duhet për të përmirësuar gjërat".
Ibrahimovic i ka idetë e qartë: "Objektivi është të bëj diferencën. E di që mund të jemë akoma vendimtar e jam këtu për ta treguar".
Më shumë se 250 tifozë kuqezinj kanë pritur Zlatan Ibrahimovic jashtë Casa Milan, pas prezentimit zyrtar të suedezit. Menjëherë kanë nisur koret e tyre për Ibrahimovic, që i ka shpërblyer duke hedhur drejt tyre fanellën e re me numër 21.
