Gjatë "podcast"-it të tij të famshëm, Crouch mendoi t'i bënte një shaka gjysmës së tij më të mirë, të mrekullueshmes Abbey Clancy. Por për fat të keq situata i ka dalë jashtë kontrollit dhe ish-bomberi i Tottenham dhe Liverpool rrezikoi të nxirrej nga shtëpia.
Arsyeja e mosmarrëveshjes është një tatuazh në krahun e futbollistit. Gjatë transmetimit ai fillon drejtpërdrejt, duke shpjeguar se kishte bërë “tatuazhin më të keq të të gjitha kohërave. Gruaja ime do të zemërohet, shpresojmë që ajo ta pëlqejë”. Subjekti, nuk ka nevojë të prezantohet, që është ish-sulmuesi me festimin e famshëm prej roboti që e bëri atë një legjendë me fanellën e ekipit kombëtar të Anglisë. Ndërkohë tatuazhi është tejet jorealist dhe e bën veprën e artit tepër të shëmtuar për të qenë e vërtetë. Dhe në fakt është false, por këtë nuk e di Znj. Crouch. Dhe burri i saj, duke e thirrur live ndërsa filmohet nga kamerat, është i kujdesshëm që mos t’i tregojë…
Reagimi i Abbey është gjithçka përveçse i lumtur. "Oh Zoti im, ti po tallesh. Kush është ai person? Nëse ti, por me njëqind kilogramë më shumë. Në plazh do të dukesh si idiot, kështu që problemi është i yti. Nëse kjo gjë është në krahun tënd, mos u kthe në shtëpi". Shkurt, nuk është mbështetja që mund të presësh nga gruaja jote. E cila, siç shpjegon "Mirror", nuk dëshiron të dëgjojë asgjë tjetër dhe sulmon me zemërim. Me pak fjalë shakaja ia doli plotësisht dhe Crouch mund qetësojë bashkëshorten, duke i shpjeguar se bëhet fjalë vetëm për një lojë dhe se tatuazhi i keq është i rremë. Dhe përgjigjja e Abbey është epike: "Nuk mendoj se Beckham do të mund të përballonte një tatuazh të tillë, e jo më ti". I goditur dhe i fundosur, por të paktën, Crouch nuk u nxorr jashtë shtëpisë.
