Numri i lartë i ndeshjeve të luajtura cdo vit nga futbollistët, sidomos ata në klubet e mëdha që shkojnë deri në fund të kompeticioneve e më pas thërriten nga kombëtaret, është një temë e hapur prej kohësh nga direkt të interesuarit. Thirrja e fundit e alarmit vjen nga Didier Deschamps, trajneri i Francës me një të kaluar si mesfushor i niveleve të larta, një figurë, me pak fjalë, që i njeh të dyja anët e medaljes: "Kalendari është shumë i ngjeshur e kam pak shpresa që situata të ndryshojë. Me këtë ritëm futbolli do të përfundojë të shpërthejë".
Në intervistën për Kicker, tekniku francez shpjegon pa lojëra fjalësh: "Përgatitja e pre-kampionatit është gjithnjë e më e shkurtër, shoqëritë rrezikojnë të nxjerrin në fushë shumë shpejt futbollistët, që kanë qenë për një kohë të gjatë jashtë. Edhe ne trajnerët paguajmë pasojat e koha për të përgatitur kompeticionet e mëdha është reduktuar gjithnjë e më shumë".
E kështu, kemi ardhur në pikën ku u gjend Liverpool, i detyruar të luajë dy ndeshje në dy ditë nga njëra anë e botës në tjetrën. "Nuk ka kohezion në botën e futbollit, nuk mendojmë mjaftueshëm për shëndetin e lojtarëve - ka përfunduar Deschamps -. Një problem që i takon të gjithë vendeve. Edhe të rinjtë ndihen keq në këtë situatë, të detyruar të luajnë ndeshje pas ndeshje me ritme frenetikë".
