Fifa bën llogaritë e merkatos së futbollit 2019. Sipas asaj që bën të ditur raporti i ri i "Global Transfer Market Report", në 12 muajt e fundit shpenzimet për transferimet e lojtarëve kanë arritur një rekord të ri prej 7,35 miliardë dollarë (6,6 miliardë euro), që do të thotë 5,8% më shumë në krahasim me 2018. Shifër e arritur falë 18.042 operacioneve ndërkombëtare që kanë përfshirë 15.463 lojtarë të 178 kombësive të ndryshme. Një lëvizje e jashtëzakonshme e lojtarëve, që, në 80% të totalit, ka përfshirë vetëm 100 klube.
Në detaje, Portugalia ka regjistruar bilancin më pozitiv me 384 milionë dollarë (346 milionë euro) për lojtarë të transferuar, ndjekur nga Hollanda (273 milionë dollarë) e Franca 251,1). Anglia ka të dhënat më negative me -549,9 milionë dollarë (495 milionë euro). Spanja është në -373,8 milionë dollarë (336 milionë euro), Italia në -346,2 milionë dollarë (312,4 milionë euro). Më shumë se një transferim në katërt lojtarë të moshës nën 18 vjec përfshinin komisione për shitjen.
