Stefano Pioli është i kënaqur nga rezultati, dicka më pak nga loja, pas fitores minimale kundër Brescia: "Nuk ishte një Milan i bukur - ka pranuar tekniku kuqezi - Teknikisht mund të bëjmë shumë më mirë. Por jemi në rrugën e shërimit, skuadra është krejt ndryshe nga fillimi". Tekniku ndërkohë sheh me vëmendje edhe zhvillimet e merkatos, sidomos me cështjen Paquetà, të cilin pikërisht për situatën në të cilën noddhet preferoi të mos e grumbullonte.
Ajo që ka rëndësi për momentin, më shumë se cdo gjë, janë tre pikët: "Këtë herë mund të themi se ishte një Milan fitues. Patëm një sjellje të mirë, ditëm të vuanim e jemi të ndërgjegjshëm se kemi kualitetet për të zgjidhur ndeshjet. Jemi të kënaqur për rezultatet, por në nivel teknik duhet të bëjmë më mirë për të synuar lart. Mbi të gjitha ka ndryshuar mentalitetiRruga është e gjatë dhe sot e kuptuam, Brescia na krijoi shumë vështirësi. Tani na pret Kupa, që është një objektiv i rëndësishëm".
E pashmangshme që të mos flitet për Zlatan Ibrahimovic e impaktit të tij në skuadër: "Është një vlerë e shtuar, për personalitetin e kualitetin që tregon në fushë. Pòr ishte e aftë skuadra e gjitha që ktheu kurs, pas humbjes së shëmtuar me Atalanta".
