Nga viti 2021 në lojë futet tashmë një kompeticion i tretë në arenën ndërkombëtare. Liga e Konferencës do tu japë klubeve shqiptare më shumë mundësi për të luajtur në fazën e grupeve të kompeticioneve evropiane, por në anën tjetër është një tentativë e qartë e UEFA-s për të forcuar Ligën e Europës që e ka humbur prej kohësh sharmin e saj të dikurshëm, kur quhej Kupa Uefa. Kështu, asnjë skuadër e Shqipërisë, por jo vetëm vendit tonë por të gjithë kampionateve europiane të pozicionuara nga vendi i 13 e poshtë, nuk do të kualifikohet për në Europa League përmes renditjes.
Një zbritje në nivel, kjo është e qartë, sepse Liga e Konferencës do të thotë mundësi shumë të vogal për të gjetur një kundërshtar prestigjoz përballë, por ky format do të ndikojë në motivimin e klubeve tona dhe angazhimin e tyre në arenën evropiane. Gjithashtu, kjo mund të ndihmojë klubet edhe nga ana financiare. Përmes këtij formati, të paktën 34 federata do jenë të përfaqësuara në fazën e grupeve, në një prej kompeticioneve.
Formati do të jetë me këtë strukturë:
* Liga e Kampionëve – 32 ekipe, në 8 grupe me 4 ekipe -125 ndeshje në 15 javë ndeshjesh;
* Liga e Europës – 32 Ekipe, në 8 grupe me 4 ekipe; 141 ndeshje në 15 javë ndeshjesh;
* Liga e Konferencës Europiane, – 32 Ekipe, në 8 grupe me 4 ekipe; 141 ndeshje në 15 javë ndeshjesh;
Aktualisht, Shqipëria renditet në vendin e 38-të të UEFA-s, ku nga përcaktimi i formatit të ri, në rast se vendi ynë do të vijojë të mbajë këtë vend në renditje, do të mund të përfaqësohemi me 4 ekipe, ku:
1. Ekipi kampion i Shqipërisë hyn në Raundin e Parë të Ligës së Kampionëve;
2. Fituesi i Kupës së Shqipërisë hyn në Ligën e Konferencës në Raundin e Parë; (në rast se fituesi i Kupës së Shqipërisë është i njëjtë me vendin e parë, të dytë ose të tretë, vendi kalon tek vendi i katërt në kampionat);
3. Vendi i dytë në kampionat hyn në Ligën e Konferencës në Raundin e Parë;4. Vendi i tretë në kampionat hyn në Ligën e Konferencës në Raundin e Parë.
Sipas skemës së formatit të propozuar:
• Në rast se ekipi ynë kampion skualifikohet në Raundin e Parë të Ligës së Kampionëve, atëherë kalon në Raundin e Dytë të Ligës së Konferencës;
• Në rast se ekipi ynë kampion skualifikohet në Raundin e Dytë të Ligës së Kampionëve, atëherë kalon në Raundin e Tretë të Ligës së Europës;
• Në rast se ekipi ynë kampion skualifikohet në Raundin e Tretë dhe Playoff-et e Ligës së Kampionëve, respektivisht luan playoff ose kalon direkt në Fazen e Grupeve të Ligës së Europës;
• Në rast se ekipi ynë kampion skualifikohet në Raundin e Tretë të Ligës së Europës, atëherë kalon ne Raundin Play-Off të Ligës së Konferencës;
• Në rast se ekipi ynë kampion skualifikohet në Raundin Play-Off të Europa Ligës, atëherë kalon në Fazën e Grupeve të Ligës së Konferencës.
Kalendari, pavarësisht se planifikohet të mbahet ai i njëjti i Kompeticioneve të Klubeve UEFA, do të saktësohet në periudhën në vijim.
• Oraret e ndeshjeve do të jenë 18:55 dhe 21:00, e Martë, e Mërkurë dhe e Enjte;• Marta e Mërkura do rezervohet për Ligën e Kampionëve;
• Liga e Europës dhe ajo e Konferencës do i ndajnë ndeshjet në mënyrë të barabartë në dy oraret e të Enjtes;
• Për ndeshje që do luhen në zona mbi dy orë nga ora europiane do rezervohet orari 16:30.
• Nivelet e shpërndarjes financiare dhe pagesat e solidaritetit për klubet pjesëmarrëse do të komunikohen nga ana e UEFA-s në vijim, gjatë këtij viti.
