Te Tottenham, humbjet zëvendësohen automatikisht. Ndërsa mesfushori ofensiv danez Christian Eriksen u angazhua zyrtarisht të Inter, Spurs kanë lajmëruar nënshkrimin me Giovani Lo Celso deri në vitin 2025, i cili u huazua me mundësinë e blerjes nga Betis Sevilla.
I suksesshëm që nga ardhja e tij dhe i lavdëruar së fundmi nga trajneri i tij José Mourinho, argjentinasi, i cili ka kaluar përmes Paris Saint-Germain, u shpërblye. I shfaqur 14 herë në Premier League me fanellën e Spurs këtë sezon, 23-vjeçari do të vijojë karrierën e tij në Londër.
Shuma e operacionit është relativisht e lartë. Në fakt, për të angazhuar përgjithmonë atë që ishte i huazuar më parë, Tottenham ka shfrytëzuar opsionin e blerjes së lojtarit, që vlerësohej rreth 40 milionë euro, shifër që do t'i shtohet çmimit të huazimit, që ishte 15 milion euro.
