Pa Ibrahimovic Milan nuk di të fitojë. Verona e Kumbullës e Rrahmanit ka qenë një digë e pakalueshme për kuqezinjtë edhe pse veronezët luajtën me 10 lojtarë prej më shumë se 20 minutash. Atalanta bllokohet në shtëpi 2-2 përballë Genoa, duke komplikuar objektivin Champions, ndërsa Lazio është spektakolare kundër Spal, megjithëse Strakosha nuk e ruajti dot rrjetën të paprekur i ndëshkuar nga Missiroli.
Milan 1-1 Verona
Pas tre fitoresh radhazi në A, pesë duke llogaritur edhe Kupën e Italisë, Milan frenon e humb rastin ti afrohet Atalantës, të bllokuar 2-2 nga Genoa: me Veronën në San Siro përfundon 1-1 e Faraonit i përgjigjet Calhanoglu, në ndeshjen e dytë radhazi në gol, por pa Ibrahimovic aty përpara kuqezinjve i mungon shkëndija. Rebic nuk kishte instiktin e ndëshkuesit të daljeve të fundit, ndërsa Leao nuk shkon më shumë se një e majtë e rrezikshme në fund të ndeshjes: Pioli, në superioritet numerik për më shumë se 20 minuta, provoi edhe Saelemaekers e Daniel Maldini, në debutimin në Serie A, por nuk shkoi më shumë se barazimi. Rezultat i merituar nga të besuarit e Juric, që shkoi pranë surprizës me dy shtylla.
https://www.youtube.com/watch?v=JyR9nRAlcFE
Atalanta 2-2 Genoa
Operacioni parakalim (ndaj Romës) dështoi, sepse Atalanta barazoi 2-2 me Genoa, duke u ngjitur në vendin e katërt me pikë të barabarta me verdhekuqtë: në Bergamo shënuan Toloi (13') e Ilicic (35') nga njëra anë, Criscito me penallti (19') e Sanabria (33') nga ana tjetër. Atalanta shkon kështu në kuotën 39 pikë në klasifikim, ndërsa Genoa mbetet me 16.
https://www.youtube.com/watch?v=TlSAr67dDI8
Lazio 5-1 Spal
Me fitoren e shtatë radhazi në shtëpi, Lazio ngjitet në vendin e dytë dhe pret rezultatin e Inter në mbrëmje në Udine. Makina e golave e bardhekaltërve fshin menjëherë cdo zhgënjim për mungesën e ardhjes së Giroud. Dygolëshat e Immobile e Caicedo sigurojnë tre pikët kundër Spal që në pjesën e parë. Skuadra e Semplici (tani e fundit në renditje) vuan diferencën teknike me kundërshtarët, që kanë arritur në rezultatin e 16 pozitiv radhazi. Në pjesën e dytë, Lazio rrumbullakos fitoren me golin e parë në Serie A të Adekanye. Goli i Missiroli vetëm sa i prish Strakoshës objektivin për ta ruajtur portën të paprekur.
https://www.youtube.com/watch?v=iRAjVgYg8Yk
ITALY - SERIE A
Juventus 3 - 0 Fiorentina
Milan 1 - 1 Verona
Atalanta 2 - 2 Genoa
Lazio 5 - 1 SPAL
