Atalanta mposht 2-1 Romën në përplasjen direkte për zonën Champions e blindon vendin e katërt, duke shkuar + 6 nga skuadra e Fonseca. Dzeko zhbllokoi ndeshjen në fundin e pjesës së parë, duke përfituar nga një neglizhencë e Palomino, por mbrojtësi argjentinas mori faljen me golin e barazimit në fillimin e pjesës së dytë. Përmbysjen e firmosi Pasalic, i futur në lojë prej pak sekondash, që me një magji sigloi golin e fitores, duke e detyruar Romën në humbjen e tretë radhazi.
Për Romën ndryshon impakti me sfidën, por jo rezultati final. Kryeqytetasit iluzionuan për një pjesë loje duke nxjerrë në pah, nëse jo një lojë të bukur, sigurisht një grintë e agresivitet që i kishte munguar në ndeshjet kundër Sassuolo e Bologna. Morën avantazhin me të zakonshmin Dzeko, pak edhe me fat, por pastaj u rrëzuan në pjesën e dytë, nën goditjet e një Atalanta që vazhdon të luajë me një siguri të jashtëzakonshme në mundësitë që ka.
Të besuarit e Gasperini nisën pak më të ngurtë se zakonisht, por nuk shthuren e përmbysën situatën duke shfrytëzuar një gol spektakolar nga një rezervë luksi si Pasalic. Në pritje të ndeshjes me Valencia, Dea vazhdon marshimin e saj, ndërsa Roma merr humbjen e tretë radhazi, ashtu si nuk ndodhte nga 2014. Pankina e Fonsecas, 5 humbje nga fillimi i 2020, tani mund të mos jetë më kaq e sigurtë.
https://www.youtube.com/watch?v=C4sFByiNDMc
