Manchester United kthehet në lojë për një vend në Champions League sezonin e ardhshëm, me fitoren 0-2 në‘Stamford Bridge’ përballë Chelsea. Një fitore shumë e rëndësishme për Solskjaer, tani vetëm tre pikë larg vendit të katërt, falë golave të Anthony Martial dhe Harry Maguire.
https://www.youtube.com/watch?v=5Fvehq3lepY
Lampard kishte shansin më të mirë të fundoste një prej pretendentëve për një vend në Champions, por fati nuk ka qenë me teknikun e Blues që ka parë ti anullohen dy gola skuadrës së tij, fillimisht për të barazuar rezultatin në 1-1 dhe më pas për të ngushtuar rezultatin në 1-2, por në të dy rastet ndërhyri VAR-i u shpreh kundër.
https://www.youtube.com/watch?v=wb1GDkJLKL0
Martial hapi serinë e golave në fundin e pjesës së parë dhe ishte goli që i dha besim Red Devils, që shkuan në psuhim me një avantazh të rëndësishëm psikologjik, që e kapitalizuan më pas me Maguire në minutën e 66. Me këtë fitore të madhe në ‘Stamford Bridge’, United (38) i është afruar në tri pikë objektivit të sezonit, që është zona Champions League, aktualisht mbahet nga Chelsea (41).
