Marcelo Rios ka dalë në sulm të hapur kundër André Agassi e ATP. Në një intervistë për La Tercera ish-numri 1 i botës ka lëshuar akuza të rënda: "Agassi është kapur pozitiv me doping për katër herë por organet e ATP mbuluan gjithcka sepse përndryshe tenisi do të kishte një fund të keq". Rios e amerikani ishin rivalë të mëdhenj në fund të viteve '90 por akuzat prekin edhe Pete Sampras: "Në kohën time në fund të vitit luhej Masters gjithnjë në beton e në fushë të shpejtë që të fitonte ai. Vetëm unë e Bruguera provonim të kërkonim të luhej në sipërfaqe të ndryshme cdo vit".
Kileni, kohët e fundit është operuar në ije ("Kjo është ajo që të lë pas tenisi: shumë para, por një fizik m..."), propozoi të ndryshonte disa rregulla: "Nuk e kuptoj përse ka dy shërbime, një avantazh i tepruar për atë që është i gjatë 2 metra. Karlovic nuk do të tërhiqet kurrë".
