Minuta të fundi dramatike në Air Albania, në sfidën mes Kukësit e Tiranës. Avantazhit të Bluve me autogolin e Vangjelit i është përgjigjur Batha me një goditje dënimi fantastike, që shtang Xhikën mes shtyllave. 1-1 në sfidën titull, por sikur të mos mjaftojë 6 minutat e fundit plus shtesën Kukësi duhet ti luajë me një lojtrar më pak, pas kartonit të dytë të verdhë të Teqjas.
Vetëm tre minuta rezistojnë lojtarët e Duros në inferioritet, sepse në të 88 Torassa përmbys shifrat me golin e dytë për bardheblutë. Argjentinasi ndjek mirë aksionin dhe pas filtrit të Ngo'o, shënon nga fare pranë me portën të boshatisur.
