Serie A ka ndalur tashmë e ndeshje mes Inter e Sampdoria është shtyrë, bashkë me tre ndeshje të tjerë, ku e fundit në listë është shtuar ajo mes Torinos e Parmës. Cështja është se nuk mbyllet me kaq, sepse të enjten e ardhshme në Milano është rikthimi i 1/16 së finales në Europa League, me zikaltrit që do të presin Ludogorets e nuk është e vështirë të imagjinohet se ndeshja mund të jetë me rrezik të lartë për të mos u zhvilluar. Parashikimet nuk janë të mundura, por rritja e numrit të të infektuarve me Koronavirus në Lombardi (përvec se në Veneto), të lënë të mendosh se mund të ketë në ditët e ardhshme një takim urgjent me Uefa që, në bashkëpunim të ngushtë me ministrin e Sportit Spadafora, do të vlerësojnë mundësinë për të zhvilluar ndeshjen në Meazza ose të ndërmarrin zgjidhje alternative si, të luhet me dyer të mbyllura.
Të gjitha mundësitë do të analizohen me kujdes, duke patur parasysh edhe nevojën për të gjetur një datë të përshtatshme për rikuperimin (shumë e vështirë, duke parë kalendarin e ngjeshur sidomos të Inter) në prag të 1/8 që janë programuar për në 12 e 19 mars. Inter-Ludogorets mbetet një enigëm që duhet zgjidhur brenda pak ditësh e që, me shumë mundësi, do ti krijojë probleme zikaltërve në profilin sportiv.
