Stefano Pioli nuk e fsheh tërbimin për barazimin në Firenze: teknikut kuqezi nuk i ka pëlqyer aspak penalltia e akorduar për Fiorentinën. "Penalltia nuk ishte, nuk kam dyshime, e kam parë që nga pankina. Nuk e kuptoj përse nuk përdoret teknologjia - ka shpjeguar tekniku i Milan -. E kisha të sigurtë se Var do të korigjonte arbitrin, është e vështira të pranosh këto raste. Prej disa ndeshjesh po na ndodhin episode të cuditshme".
Tekniku kuqezi analizon kështu sfidën e Franchi. "Përgjegjësitë tona janë të mëdha, ishim zot të fushës, nuk duhet të tregoheshim sipërfaqësor. Ndeshja nuk kishte mbaruar, duhet të vazhdonim të luanim me ekuilibër e kompaktësi. Skuadra ishte mirë në fushë dhe meritonte të fitonte".
Milan ka vuajtur paradoksalisht sapo ishte në superioritet numerik. "Kemi pësuar kundërsulme në superiorit numerik e nuk mund të lejohen. Ekuilibrat duhen respektuar gjithnjë, skuadra u ndje shumë e sigurtë në vetvete e bëri gabime. Humbëm ekuilibrat në momentin që duhet të qarkullonim topin, ka disa situata që duhen vlerësuar, analizuar e përmirësuar".
https://www.youtube.com/watch?v=jROcu4432Ek
