Gennaro Gattuso e sheh gotën gjysëm plot, pas 1-1 kundër Barcelonës në vajtjen e 1/8 të finaleve në Champions League: "Bëmë ndeshjen që donim, ndoshta mund të bënim më mirë në fazën e konstruktimit e zotërimit të topit. Ata patën pak raste, sigurisht u fut në lojë edhe pak lodhja". Asgjë megjithatë nuk përjashtohet: "Napoli nuk është një skuadër e vogël, ata janë superiorë por do të shkojmë në Camp Nou ta luajmë. Kualifikimi ende i hapur".
Tekniku i të kaltërve tani i kërkon skuadrës “të përqendrohet tek Torino, ka kohë për të menduar për ndeshjen e kthimit, por nëse e luajmë si skuadër do të kemi mundësinë të kalojmë raundin. Edhe për arsye se atyre do ti mungojë Busquets e Vidal të skualifikuar".
Gattuso preferon të mos ndalet shumë në gabimin e linjës defensive në golin e Griezmann ("Ndoshta duhet të ndërhynte më mirë Maksimovic") e të qahet për ndonjë kundërsulm të bërë me kohët e gabuara: "Ata vrapojnë me 1000 në orë, është gjithnjë me frikë të humbësh topin e të lësh njerëz si Messi, por kur arritëm ti bënim gjërat si i kishim përgatitur i vumë në vështirësi. Në sulm ata na gudulisën, mund të rrinim një ditë të tërë e nuk do të na shënonin më... paguam shtrenjtë një episod".
