Fitorja e disa ditëve më parë kundër Espanyol i ka lejuar Valladolid të marrë tre pikët e të bëjë një lëvizje të mirë në renditje, drejt mbijetesës në La Liga. Ashtu si bën të ditur 'La 8 de Valladolid', presidenti i klubit, Fenomeni brazilian Ronaldo, ka dashur ti shpërblejë lojtarët e tij, duke I dhuruar secilit një iPhone e disa bileta avioni për pushim.
"Fenomeni", pronar i 51% të klubit spanjoll, nuk i ndërmerr për herë të parë këto inisiativa, duke qenë se edhe në majin e kaluar ka dhuruar, ashtu si kishte premtuar në fakt, një fundjavë në Formentera për të gjithë skuadrën, pasi Valladolid arriti shpëtimin në La Liga.
Valladolid është ngjitur tashmë në vendin e 15 të klasifikimit, me 29 pikë pas 26 javësh të luajtura në kampionatin spanjoll. Skuadra e Ronaldos ka krijuar një avantazh prej 7 pikësh nga zona e rënies nga kategoria, me Mallorca që është aktualisht me 22 pikë.
