Një episod i cuditshëm ka ndodhur në futbollin turk, gjatë ndeshjes së Süper Lig, mes Gazişehir e Trabzonspor. Një ndeshje si të tjerat, përfunduar 1-1 (gola nga ish-futbollisti i Partizanit Ekuban në të 22′ e Kayode në të 53′), por që do të futet në histori jo për rezultatin apo ndonjë gjest teknik, por për një veprim të denjë për fiulmat me spiunazh, që ka parë protagonist Badou Ndiaye.
Futbollisti i Bordo-Mavililer mori një pusullë me detyra taktike nga tekniku Cismir, skenë që tashmë shihet në shumë fusha futbolli, e lojtari e lexon duke memorizuar menjëherë të dhënat e teknikut. Deri këtu gjithcka normale, por pak më vonë lojtarët e tjerë asistuan në një episod të paprecedentë: në vend ta hidhte fletën ose ta vendoste tek mbathjet ose getat, si kanë bërë të tjerë më parë, Ndiaye vendos ta gëlltisë.
Pikërisht kështu, për të evituar rreziqet e zbulimit të sekreteve nga kundërshtarët, më mirë të hash pusullën. Një episod që i ka habitur të gjithë, duke filluar nga tekniku Cismir.
