Sfida titull e vendi i parë: të gjithën Juventus e merr në 14 minuta spektakolare, që rrëzojnë Inter 2-0 në një Allianz Stadium të shkretë. Kthehet të udhëheqë kampionatin e Serie A pas 26 javësh formacioni bardhezi, duke kaluar +1 ndaj Lazio. Pas një orë vuajtje, kundër organizimit taktik të Inter, bardhezinjtë e Sarri morën tre pikët, duke gjetur fillimisht avantazhin me Ramsey në një devijim inteligjent në zonë në të 59', përpara se Dybala të japë spektakël me golin e dytë.
2-0 me të cilin skuadra e Sarri kthehet në krye të klasifikimit është një sinjal i qartë: mbyll një Juventus-Inter të heshtur nga koronavirus e ofron përgjigjet që bota e Juventus priste pas përfaqësimit të turpshëm në Lyon. Lajme të këqija për Conte, që shkon në -9 nga Juventus e më shumë mundësi i jep lamtumirën këtu shanseve për titull.
Juventus ftregoi atë instiktin e vrasësit, që ishte parë gjithnjë me Allegri e gati asnjëherë me Sarri. Ish-tekniku i Napoli gjeti saktësisht Bentancur në regji, në vend të një Pjanic të fikur të kohëve të fundit, por jo dhe aq Douglas nga minuta e 1’. Ndeshja mbeti në ekuilibër deri në 1-0 e Ramsey, edhe pse Handanovic iu desh të punonte shumë më tepër se Szczesny. Bardhezinjtë nuk i lejuan asgjë Inter, sidomos me dyshen Bonucci-De Ligt dhe një mesfushë që bëri filtrin, gjë që nuk e bëri në Lyon. Juventus cinik, jo si zakonisht, edhe në golin e dytë të Dybala. Driblimi që rrënoi Young, pastaj e majta me të jashtmen që la të palëvizur Handanovic kanë bërë në këtë rast diferencën.
Inter pati zero kapacitet reagimi pasi shkoi në disavantazh. Pjesa e parë ishte shumë inkurajuese, me lojtarët e krahut, Candreva sidomos, shumë ofensivë. Munguan plotësisht sulmuesit, Lautaro e Lukaku. I pari u pa vetëm në një goditje dënimi, i dyti nuk u shfaq fare dhe Conte e zëvendësoi, vonë madje. Bilanci i belgut kundër rivalëve sezonalë më të fortë (Juve, Lazio, Dortmund e Barcellona) është vetëm një gol. Edhe Eriksen, i futur në pjesën e dytë, nuk la gjurmë. Conte mbajti ndeshjen në planin kolektiv deri në golin e Ramsey, por lojtarët e tij më të mirë zhgënjyen, ata të Juves jo. Sepse në futbollin e portave të mbyllura, për ti hapur duhen kampionë.
