Koronavirus po ndryshon zakonet e të gjithë Italisë e jo vetëm. Pas masave të reja të emergjencës të vendosura nga Qeveria një ditë më parë, të shumtë kanë qenë qytetarët që kanë shkuar të marrin ushqime me shumicë në supermarket, duke dalë në orët e vona të mbrëmjes: tre lojtarë të Napolit, Ospina, Llorente e Callejon, që ndoshta ishin mësuar të bënin pazar mbrëmjeve për më shumë privatësi, janë përballur me radhë të gjata.
Radhën e gjatë në supermarket në të cilën kanë qendruar gjatë edhe tre futbollistët e Napolit e ka dëshmuar një postim në Instagram nga gruaja e portierit kolumbian.
