Pas mbylljes së kufijve ajrorë dhe detarë me fqinjin tonë qeveria ka lajmëruar dje edhe shtëngesa të reja pë rata që kanë ardhur jo vetëm nga Italia por edhe nga Greqia në dy javët e fundit.“Do dalë në rrugë një formacion i perbashket i policise së shtetit e asaj ushtarake që do të organizojnë postblloqe për kontrolle të automjeteve dhe do ndalojnë e verifikojnë nëse në automjet ka të ardhur nga Italia apo Greqia në 14 ditët e fundit që ndalohen të dalin nga shtëpia për 14 ditë” njoftoi sot kryeministri Rama. Ai shtoi se kush kapet me këtë kundravajtje “do dënohet me 5 mijë euro gjobë. E do ndalohet të largohet nesër në Itali nëese s’do ketë paguar gjobën“.
Andi Bushati:Maska skadoi, tani duhet të sillemi si shtet i varfër
Pas nuk ka mbetur as ministria e Brendëshme që u ka bërë thirrje qytetarëve tu afrohen komisariateve të policisë vetëm nëse kanë ndonjë denoncim për të bërë. Pqrndryshe duhet të qëndrojnë larg tyre. “Ndalohen të gjitha pritjet e qytetarëve në sportelet e shërbimeve në të gjitha institucionet e sistemit të Ministrisë së Brendshme, deri në një njoftim të dytë. Telefono MB – 0694134779” thuhej në njoftim. Gjithashtu kjo ministri ka njoftuar se është pezulluar aplikimi i qytetarëve për pashaporta dhe karta identiteti deri në 3 prill. Edhe komuniteti musliman i ka bërë thirrje të gjitha xhamive që të pezullojnë çdo aktivitet fetar, të pezullojnë faljet ditore dhe gjithashtu atë të madhe të së premtes. Nga kjo e enjte në mëngjes ka filluar urdhri për të mbyllur të gjitha bareve dhe restoranteve. Fillimisht kryeministri shkroi ne rrejte sociale: “NDJESË por duke parë shkallën e ulët të vetëdijes së shumë qytetarëve, kryesisht të rinj, që e kanë edhe më të vështirë të rrinë në një vend, DO TË DETYROHEMI TË MBYLLIM TË GJITHA RESTORANTET, BARET, KLUBET, në TIRANË dhe DURRËS fillimisht!”. Por për të mos e marrë përsipër këtë masë të fortë ai nxorri ministren e shëndetësisë Manastirliu që ti bënte propozim qeverisë për “mbylljen e të gjitha bareve restoranteve, klubeve në Tiranë dhe Durrës”. Kush nuk e zbaton këtë dënohet me një gjobë 20 milionë lekë" tha ministrja. ©Lapsi.al
