PSG bëri të harrohet ndeshja e vajtjes në heshtjen e Parc des Prince. Parisienët komandojnë ndeshjen, i lanë Haaland fare pak hapësirë e kështu Borussia Dortmund del nga Champions League. E gjitha pavarësisht mungesave të Verratti e Thiago Silva, jo dy të cfarëdoshëm. Vendimtarë golat në pjesën e parë të Neymar - me kokë - e Bernat, më prekjen e pavullnetshme të Piszczek.
Fishekzjarret e fillimit e kishin të vështirë të mbushnin heshtjen e shkallëve bosh, edhe pse ndihmoheshin nga koret e tifozëve jashtë stadiumit. Francezët morën zemër me kalimin e minutave dhe në minutën e 28' gjetën avantazhine cmuar në goditjen me kokë nga fare pranë të Neymar, që i shpëtoi mbulimit të Hakimi. Borussia provoi me një reagim të ndrojtur, por në fund të pjesës së parë erdhi edhe goli i dytë: Bernat kërkoi një asist në zonë, por Piszczek e preku lehtë duke e dërguar pas shpinës së Burki.
Në pjesën e dytë gjermanët u munduan të reagojnë, por Psg nuk lëshoi. Rasti i parë është i tyre, me një goditje dënimi të Di Maria që Burki e devijoi në kënd. Nga njëra anë Tuchel provoi ta mbyllte ndeshjen, duke hedhur në fushë Mbappé, në tjetrën Favre luajti kartat Brandt e Reyna. Ekulibri ishte i dukshëm, me francezët që administruan avantazhin e gjermanët që shumë shpesh ngecnin në gabime teknike në fazën e ndërtimit. Në fund një diskutim i ndezur shkaktoi kartonin e kuq për Emre Can e kartonin e verdhë për Di Maria.
