Super Lig turke, një nga të paktët kampionate ende në vazhdim (e për këtë motiv zgjidhi kontratën me Trabzonspor Obi Mikel), duhet të bashkohet shpejt me vendimet e pjesës tjetër të Europës në lidhje me emergjencën koronavirus. Sipas mediave lokale, pasdite Qeveria e Ankarasë duhet të njoftojë pezullimin e kampionatit kombëtar për të paktën një muaj. Vendimi i Federatës turke do ti komunikohet Ministrit të Sportit Muharrem Kasapoglu, në një mbledhje të parashikuar ditën e sotme.
Deri tani autoritetet turke kishin vendosur që të vazhdonin zhvillimin e ndeshjeve me dyer të mbyllura deri në muajin prill. Por disa lojtarë e trajnerëve, mes të cilëve personalitete si ai i Galatasaray, ish-trajneri i kombëtares turke Fatih Terim, ishin shprehur kundër kësaj zgjedhje, duke kërkuar një ndalim të turneut.
