Sensibilizimi me situatën i ka bërë të vetëdijshëm të gjithë aktorët në botën e futbollit. E ashtu si bëri Juventus, edhe lojtarët e stafi i Inter tregohen të gatshëm të heqin dorë nga një pjesë e pagës për tiu përgjigjur nevojave të shoqërisë, që pas ndalimit të kampionatit janë përfshirë në krizën që i ka prekur të gjithë. Burime brenda klubit zikaltër kanë bërë të ditur për Ansa se "si rrjedhojë e bisedimeve konstante mes shoqërisë, teknikut Antonio Conte e kapitenit Handanovic, duke marrë në konsideratë emergjencën e rëndë shëndetësore, ka rezultuar që trajneri, stafi teknik e të gjithë lojtarët e skuadrës së parë, janë treguar të gatshëm të reduktojnë pagat e tyre për pjesën e mbetur të këtij sezoni sportiv".
I njëjti burim brenda klubit, thekson se për të mësuar detajet e një lëvizje të tillë sensibilizuese, duhen pritur të rejat mbi kalendarin e Serie A: "Modaliteti specifik e akordet individualë do të akordohen kur skenarët që lidhen me fillimin ose jo të kampionatit në vazhdim do të përcaktohen". Kështu, në këtë pikë është e qartë se shumë do të vendoset nga kur ose nëse do të kthehet në fushë për të mbyllur kampionatin.
