Në kohën kur në ligat kryesore europianë diskutohet ende kur dhe si të rifillojnë kampionatet, Federata belge, përmes një komunikate zyrtare, ka komunikuar se ka marrë një vendim të fortë në lidhje me kampionatin kryesor të vendit: për shkak të pandemisë së koronavirus është vendosur që kampionati nuk mund të rinisë në kohë të pranueshme e kështu është anulluar dhe klasifikimi final është ai aktual në momentin e ndalimit. Titulli kampion shkon për Club Brugge, që ishte në krye të turneut me 15 pikë avantazh ndaj Gent në vendin e dytë.
KOMUNIKATA
Situata aktuale, veçanërisht e pasigurt, në të cilën ndodhet vendi ynë, ka si pasojë që sporti nuk është dhe nuk mund të konsiderohet shqetësimi i parë, sado argëtues dhe relaksues të jetë ai. Në këtë kontekst, është përgjegjësi e Këshillit të Administrimit që të bëjë një rekomandim për Asamblenë e Përgjithshme për vazhdimin e kompeticionit, duke marrë parasysh shëndetin publik, interesat e të gjitha palëve të interesuara dhe dëshirat e shumicës së klubeve, për të mos rifilluar turneun.
Këshilli i Administrimit ka marrë shkas nga rekomandimet e dr. Van Ranst dhe autoriteteve, sipas të cilëve ndeshjet me publikun nuk ka shumë të ngjarë të zhvillohen para 30 qershorit. Situata aktuale nuk na lejon të dimë nëse dhe kur është e mundur të planifikohet një rifillim i trajnimeve kolektive. Për më tepër, një rinisje e konkurrencës nuk mund të përjashtojë rreziqet shëndetësore për lojtarët, punonjësit dhe të gjithë atyre që janë të përfshirë në organizimin e ndeshjeve dhe ruajtjen e rendit. Për më tepër, infektimi i mundshëm i një lojtari ose një grupi lojtarësh rrezikon në mënyrë të papranueshme të ndikojë në zhvillimin sportiv të pjesës tjetër të kompeticionit.
Këshilli i Administrimit vendosi njëzëri se nuk ishte e dëshirueshme, pavarësisht nga skenari i parashikuar, të vazhdojë kompeticionin pas 30 qershorit. Duke marrë parasysh elementët e mësipërm, Këshilli lëshoi një mendim unanim në Asamblenë e Përgjithshme në mënyrë që të mos rifillojnë garat e sezonit 19-20 dhe të pranojnë klasifikimin aktual të Jupiler Pro League si një klasifikim përfundimtar (subjekt i vendimet e Komisionit të Liçensimit).
Asambleja e Përgjithshme do të mblidhet për të Mërkurën 15 Prill.
