Federata Evropiane e Futbollit (UEFA) ka lajmëruar Ligat kombëtare se duke pezulluar përfundimisht kampionatet (sikurse ka bërë Belgjika) rrezikohen të jenë të përjashtuara nga kompeticionet evropiane. Presidenti Aleksandër Ceferin, duke folur për gjermanët e ZDF, ka vënë pikat mbi situatën. “Më 3 gusht duhet të jetë mbyllur Champions League dhe Europa League. Situata është e jashtëzakonshme dhe nevojitet të jenë fleksibël: mund të luajmë në të njëjtat data dhe në të njëjtat orare kompeticionet kombëtare”.
CEFERIN PRANON: “EDHE MUND TË MOS LUAJMË MË”
Numri një i konfederatës ka analizuar të gjithë skenarët. “Kemi disa plane për majin, qershorin dhe korrikun, por ekziston edhe mundësia që të mos kthehen më të luajnë. Nëse autoritetet nuk do të autorizojnë, nuk do të mund të bëhet. Do të varet nga qeveritë e çdo vendi. Shtator apo në tetor do të jetë shumë vonë”. Për Kupat, Ceferin ka pranuar: “Mund të zhvillohet me një ndeshje të vetme duke hedhur short për fushën ose në fushë asnjanëse. Të paktën, me formulën e “finales me tetë”, apo “final four”. Praktikisht të gjitha portat e mbyllura”. Para së gjithash shëndeti i futbollistëve mbetet në vend të parë. “Do të jetë një gabim t’i vëmë në rrezik, ashtu sikurse arbitrat apo tifozët. Por kemi nevojë për sport, sjell energji dhe njeriu është nervoz dhe i shqetësuar”.
