Situata e futbollit në Europë mbetet pezull e nuk bën ndryshim edhe Anglia. Tratativa mes Premier League, klubit e lojtarëve për masat ekonomike për të adoptuar në këtë moment ndalimi për shkak të emergjencës koronavirus janë bllokuar në shkurtimin e pagave. Kërkesa e sindikatës së lojtarëve anglezë është që mbi të gjitha reduktimi të garantojë pagesën totale të rrogave të punonjësve të klubit, jo duke përdorur rrugëdalje ligjore si ato të Tottenham e Liverpool që i kanë vënë punonjësit në papunësi të pjesëshme për të shfrytëzuar ndihmën e Shtetit.
Një aspekt tjetër për tu patur parasysh është pasoja që do të sjellë shkurtimi i pagave. Është e vërtetë që lojtarët duan të ndihmojnë shoqëritë, por një shkurtim i 30% të pagesës vjetore, si ka propozuar Football Association, do të sillte një gropë në hyrjet shtetëore prej rreth 200 milionë stërlina. Më pak rroga, më pak taksa: para që do ti humbiste edhe sistemi shëndetësor anglez.
Futbollistët, ndër të tjera, kërkojnë të vlerësojnë në këtë drejtim mundësinë e pezullimit, më shumë se shkurtimin e të ardhurave. Shoqëritë nuk do të derdhin paga në këto muaj të emergjencës e do të paguajnë gjithcka kur kriza të ketë përfunduar. Në fund, në këtë balet shifrash lojtarët kërkojnë rritjen e kontributit me 20 milionë stërlina, të vendosur nga Premier League për ente bamirësie në mbështetje të atyre që po luftojnë me emergjencën.
