Josè Mourinho pranon gabimin e mundohet të kërkojë ndjesë. Pas shpërndarjes së imazheve të stërvitjes së kryer në park nga portugezi, bashkë me disa lojtarë të Tottenham, duke thyer kështu masat për kontrollin e infektimit, Special One ka dashur të kërkojë ndjesë: "Pranoj që veprimet e mia nuk kanë qenë në linjë me protokollin qeveritar - ka thënë tekniku i Spurs për Mirror - Duhet të kemi kontakt vetëm me pjestarët e bërthamës sonë familjare. Është jetike që të gjithë ne të ndjekim këshillat e autoriteteve për të ndihmuar heronjtë tanë të NHS (sistemi shëndetësor kombëtar britanik) e të shpëtojmë jetë".
Në Angli, në këtë moment, aktiviteti fizik në ambjent të hapur lejohet ekskluzivisht nëse je vetëm ose me një anëtar të familjes, duke respektuar në cdo rast distancimin prej dy metrash. Mou, ndërkohë, është parë të drejtojë një seancë në ambjent të hapur bashkë me Davinson Sanchez, Ryan Sessegnon e Tanguy Ndombele, që banojnë në të njëjtën zonë në Londër.
Sipas Mirror stërvitja ishte kryesisht për mesfushorin francez, që ka patur vështirësi të adaptohet në realitetin e futbollit anglez, pas transferimit të tij nga Lion në verën e kaluar, ndërsa Sessegnon e Sanchez janë bashkuar me teknikun dhe shokun e skuadrës vetëm për të mos i lënë vetëm. Një zëdhënës i Tottenham ka thënë se "të gjithë lojtarëve i është kujtuar të respektojnë distancimin social kur stërviten në ambajent të hapur".
