Në kohën kur Inter ka dhënë sinjalin se lojtarët e tij të huaj do të kthehen në Appiano Gentile menjëherë pas Pashkës, në shtëpinë e Juventus nuk ka ende një datë të saktë. Aktualisht janë nëntë bardhezinjtë që, duke filluar nga Cristiano Ronaldo, janë larguar nga Italia për tu kthyer në vendet e tyre, të ndara mes Europës e Amerikës së Jugut, gjatë emergjencës koronavirus. Në pritje të njoftimeve për rinisjen e stërvitjeve e rinisjes eventuale të kampionatit, qëllimi i klubit të Agnelli, sidoqoftë, është ti lejojë lojtarët të kalojnë festën në shtëpi, për ti thirrur më pas në bazë rreth mesit të muajit.
Situatë tjetër, ndërkohë, për Dybala e Matuidi, që kanë qendruar në Torino, duke u kuruar ende për Covid-19 e presin një rezultat pozitiv nga tamponi për tu deklaruar përfundimisht të shëruar.
