Industria e futbollit në Itali është gjithnjë e më shumë në kaos. E me shumë mundësi edhe takimi në program nesër mes Qeverisë e përfaqësuesve të Figc nuk do të arrijë të bëjë qartësi mbi protokollin shëndetësor të prezentuar të hënën për të lejuar rifillimin e stërvitjeve në 4 maj.
Një datë që mund të shtyhet në fakt me dy javë me gjithë pasojat e rastit mbi mbylljen e kampionatit. Ministri i shëndetit, Speranza, i ka ngrirë pothuaj gjithë shpresat entuziaste të botës së futbollit duke deklaruar se me 450 të vdekur në ditë, ai për rifillimin e kampionateve është problemi më i fundit.
Qeveria kërkon të marrë kohë e do ti kërkojë 12 përbërësve të komisionit mjekësor shkencor të Figc të prezantojnë një protokoll të dytë sanitar. Dyshimi më i madh lidhet me modalittetin e grumbullimeve që duhet të jenë të blinduar të paktën për 15 ditë. Mungesa e përfshirjes së mjekëve të 20 klubeve e të federatës së mjekëve sportivë, krijon më shumë se një pakënaqësi edhe sepse përgjegjësia juridike e protokollit bie mbi mjekët e shoqërive që do të ishin në të njëjtën kohë kontrolluesit e të kontrolluarit.
Një situatë që ka sjellë dorëheqjen e doktor Tavana, mjeku social i Torinos e përfaqësues për Serie A brenda komisionit mjekësor të kërkuar nga presidenti Gravina.
