Videoja e parë në YouTube u ngarkua më 23 prill 2005 – saktësisht 15 vjet më parë, sot. Bashkëthemeluesi i YouTube, Jawed Karim postoi videon prej 18 sekondash, me titullin “Unë në kopshtin zoologjik“. Që prej asaj kohe ka fituar mbi 90 milion shikime. Deri më sot, është e vetmja video në kanalin e Karim.
Pas klikimit të bërë të mundur që videoja të shihet, në ekran shfaqet fytyra e një djali të ri pranë një kopshti zoologjik.
“Në rregull“, fillon Karim. “Pra, këtu jemi, para elefantëve“.
Për dallim nga videot e shumë krijuesve të YouTube këto ditë, videoja e Karim nuk përfshin atë që konsiderohet si shenjë më tradicionale: “Regjistrohu në kanalin tim!” ose “Pëlqeni, vlerësoni, komentoni!”
Ai e përfundon videon thjesht duke thënë: “Dhe kjo është gjithçka që kam për të thënë”.
Një vit më pas “Me kopshtin zoologjik”, Karim dhe bashkëthemeluesit e tij shitën platformën tek Google për 1.65 miliardë dollarë.
Tani, platforma krenohet me më shumë se 2 miliardë përdorues të regjistruar që vizitojnë çdo muaj, sipas YouTube. Në dekadën e gjysmë të kaluar, YouTube ka parë shumë ulje dhe ngritje.
YouTube thotë se një miliard orë përmbajtje shikohen çdo ditë.
Dhe gjithçka filloi me Karimin, në kopshtin zoologjik.
