Tek Lazio askush nuk është i kënaqur me mënyrën si po shkojnë gjërat, ose me prespektivën e rifillimit të kampionatit, por deri tani Igli Tare nuk kishte folur ende në lidhje një cështje, ku protagonizmin e kishte marrë presidenti Claudio Lotito e përgjegjësi i mardhënieve me shtypin Diaconale. Këtë herë në fushë ka zbritur drejtori sportiv lazial, që ka sulmuar përmes radios së klubit ministrin e sportit Spadafora: "Ndihemi të diskriminuar. Të mos harrojmë që kanë kaluar dy muaj nga ndeshja e fundit, një ndalesë që nuk është parë kurrë më parë në historinë e futbollit, nuk di cfarë ka në mendje Spadafora. Nuk e di cili është qëllimi i tij, por sigurisht që nuk po e ndihmon futbollin"
Lazio e Juventus janë ndarë në fronte për disa cështje që në hipotezën e rifillimit të Serie A i ka vënë klubet përballë në disa zgjedhje: që nga koha e nisjes së stërvitjeve e deri në mënyrën e përfundimit të kampionatit. E vetmja gjë që bie dakord dy klubet është që turneu duhet të përfundojë: "Kemi nevojë ta përfundojmë këtë kampionat për të mirën e sistemit futbollistik italian" ka shtuar drejtuesi shqiptar.
