Një përmbledhje ekstreme që e bën më të qartë konceptin: "Jam një njeri në mision". Fjalë të thëna nga Romelu Lukaku, në lidhje direkte me Bleacher Report. Sulmuesi i Inter kërkon të shpjegojë mirë ndjesinë e tij, pas një aventure në Manchester ku gjërat nuk shkuan aspak si ai do të donte. Zikaltrit për të janë një pikë nisje, një lëvizje që i ktheu dëshirën për fitore, që në momentin që u transferua në San Siro, duke kërkuar të linte pas shpine sa më shpejt atë zhgënjim të pësuar në gjysëmfinalen e luajtur në Botërorin e Rusisë në 2018.
Nëse e sheh nga jashtë ajo e Botërorit u duk një rezultat i jashtëzakonshëm (eleminuan edhe Brazilin), por pastaj shija e hidhur e asaj që mund të ishte e nuk qe, u ndje fuqishëm. "Isha pak euforik, shkuam në gjysëmfinale e po flasim për një vend të vogël, me vetëm 11 milionë banorë. Dhimbja u ndje një muaj më pas, kur ripashë të gjithë videot e Botërorit. Ai ishte një cast i vështirë, sepse mendon se i shkove vërtetë afër. E kjo gjë më goditi vetëm më vonë. Kur u transferova tek Inter kisha brenda vetes gjithë këtë energji që ndërkohë ishte rritur. E unë isha një njeri në mision".
