Carlton Cole ka qenë gjithnjë një tip zbavitës dhe nga ata që besojnë shpesh, duke u bërë shënjestra perfekte për treshen shakatore Jermain Defoe, Wayne Rooney e Shaun Wright-Phillips. Por në 2009, gjatë një grumbullimi të kombëtares angleze, të tre e shtuan dozën me atëherë sulmuesin e West Ham, që ishte thirrur nga Fabio Capello për një miqësore kundër Hollandës, duke i lënë të kuptonte se pilula blu që po pinte ishte vitaminë, kur në realitet ishte Viagra.
Një shaka me pasoja lehtësisht të imagjinueshme. “Carlton ishte gjithnjë i qeshur e i lumtur – ka treguar Defoe (në atë kohë tek Tottenham) - kështu që menduam ‘nëse duhet tia japim dikujt, kush mund ta marrë?’. E ai e mori vetëm sepse mendoi ‘Oh, po, vitamina, të super për fizikun tim’. Vdiqa së qeshuri, gjëja më zbavitëse ishte kur ia thamë më pas … fytyra e tij! E nuk mund të bënte asgjë dhe unë mendova vetëm se ‘duhet ta durosh ndonjë orë mik’. O Zot i madh!”.
Sipas asaj që thotë Defoe, Capello nuk e zbuloi kurrë shakanë mbi Cole që, nga ana e tij, u përball me stërvitje në kushte aspak komode. “E kisha fshirë atë episod nga kujtesa – bëri shaka ish-sulmuesi - por po më sjell në mendje kujtime të këqija. Nuk isha i eksituar seksualisht, por ishte shumë i madh e në atë fushë isha njeriu më i shpejtë … kisha tre këmbë!”.
