Shumë kohë për tu kthyer në fushë e pastaj… del nga terreni i lojës pas katër minutash. Paradoksi i rifillimit, me skuadrat gjermane të Bundesliga e Zëeite Bundesliga sërisht në fushë pas dy muajve ndalesë për shkak të pandemisë së koronavirus. Programi i fundjavës gjermane, në qendër të vëmendjes së gjithë botës, nisi me ndeshjet e të dytës. Kështu, futbollistët e Bochum, Hedenheim, Erzgebirge Aue, Sandhausen, Jahn Regensburg, Holstein Kiel, Karlsruher e Darmstadt kanë qenë të parët që zbritën në fushë për të rifilluar aktivitetin.
Për dikë, megjithatë, gëzimi për kthimin në fushë ka zgjatur fare pak. Katër rrotullime minutash, koha e duhur për të kryer një faull si lojtar i fundit në zonën e tij të penalltisë e të shihte para fytyrës kartonin e kuq. Protagonisti, natyrisht negativ, është Dennis Diekmeier, mbrojtësi i Sandhausen, që pasi e preku topin vetëm një herë deri në atë moment, si shpjegon Sportbible, ka llogaritur keq kohën e ndërhyrjes duke penguar kundërshtarin në zonë.
I kuq, penallti e avantazh për vendasit e Erzgebirge Aue, me Dimitrij Nazarov që mori kënaqësinë e futbollistit të parë që shënoi gol pas izolimit. Një gabim ai i Diekmeier, që i kushtoi rëndë Sandhausen. Me 10 lojtarë gjithë ndeshjen humbi 3-1, duke rrezikuar tashmë të përfundojë në zonën e rënies nga kategoria. Por ajo që do mbetet gjithnjë në mendje nga kjo ndeshje është kartoni i kuq për mbrojtësin. Prit kaq gjatë për të luajtur përsëri, por qendroi në fushë shumë pak për ta shijuar…
